CEBU, Philippines - Gilingaw ni Adven Jess Diputado, ang batan-ong point guard gikan sa Sacred Heart School-Jesuits (SHS-J) Eaglets atol sa iyang pagbalik sa ilang yutang natawhan sa Dumaguete City diin nakatabang siya sa Cebu-B Meg delegation pag-iskor og kulba-hinam nga 74-70 nga kadaogan batok sa HI-SMART Iloilo aron sakmiton ang korona sa National Basketball Training Center (NBTC) Visayas Regional finals sa miaging adlaw didto sa Macias Memorial Complex didto sa Dumaguete City.
Si Diputado, manghod ni Chris Victor Diputado sa UV Lancers, usa lang sa tulo ka Eaglets nga mipalig-on sa Cebu B-Meg team sa gipahigayong 16 years and under tournament nga gipaluyohan sa Smart. Ang laing duha ka Eaglets mao ang point guard nga si Nico Dotillos ug sentro nga si Kristoffer James Porter. – BANAT NEWS