Ave Maria misakmit sa kampiyonato

CEBU, Philippines - Gipaluhod sa Ave Maria Sanctuary Park/X-Men sa ilang higpit nga karibal San Remigio Beach Club pinaagi sa pag-iskor og 96-91 nga kadaugan aron pagsakmit sa titulo sa Open division sa LLBA-ABA Fiesta Cup 2010 basketball tournament didto sa Agus gym sa dakbayan sa Lapu-Lapu.

Unang mipabuhagay og mga puntos ang Ave Maria diin mirehistro kini og tres puntos nga bentaha, 22-19 paghuman sa unang 10 minutos sa duwa.

Ang San Remigio sa mga paningkamot ni Phil Mercader nakabangon sa sunod nga kuwarter ug gitapos nila ang hafltime sa iskor nga 42-41. Ang ilang nipis nga labaw mitubo pa ngadto sa 13 puntos paghuman sa third period, 75-62.

Apan kalit nga misukli og mga puntos ang Ave Maria sa final period sa pagpangulo nilang Mercader ug Edrian Lao aron pahakan ang labaw hangtod nga naangkon ang singko puntos nga kadaugan.

Si Luther Justiniani maoy topscorer sa Ave Maria nga milubong og 19 puntos, gisundan ni Jun Malinao sa iyang 15 puntos.

Ang pilderong San Remigio gipangulohan ni Mercader, kinsa mibagdok og 29 puntos, samtang si Lao miligwat og 16 puntos.

Puntos Matag Usa

AVE MARIA/X-MEN (96) Justiniani 19, Malinao 15, Delfino 9, Luga 8, Tagalog 7, Ponce 7, Isidro 5, Barubi 5, Hatague 4, Gabas 4, Canoy 3, Esperat 3, Tarona 1

SAN REMIGIO (91) - Mercader 29, Lao 16, Abellanosa 16, Cincoflores 9, Alano 9, Dela Pisa 8, Biryson 8, Rios 7, Sayson 5. – BANAT NEWS