CBM pabiling hari sa 2nd Osky Mabilog Cup

CEBU, Philippines - Napanalipdan sa Cebu Blue Marlins (CBM) ang ilang korona human sa penultimate day sa 2nd Osky Mabilog Swimming Cup and National Youth Try-out diha sa Cebu City Sports Center (CCSC).

Ang CBM ni coach Rolando Alvarez maoy misakmit sa unang dapit bitbit ang 5,262.5 puntos gikan sa 48 ka golds, 38 ka silvers ug 29 ka bronzes.

Mga tang-ang swimmers nga naglakip ni Noel Caneda, Paula Abigail Vega, Aimee Sanchez, Renan Gabriel Tapang, Michael Ichiro Kong, Lyh Ann Navaro ug Paolo Zosa maoy gilauman ni Alvarez nga mohatag og laing titulo alang sa CBM.

Nagsunod sa CBM mao ang Silliman University sa ilang 1,572.5 points, dayon ang Negros Oriental Blue Dolphins (1,124 pts.) ug Panaad Swim Club (1,071 pts.) nga mipahiluna sa ikatulo ug ikaupat nga

dapit.

Mokompleto sa top 10 mao ang Binirayan Tadpoles (777), NOGCCSC (733), First United Davao Swim Club (542) ug Bohol Dolphins (348).    (BANATNEWS)