Mactan Hotmen mitumba sa Monday Club sa exhibition game

CEBU, Philippines - Nag-wild si Mactan Cebu International Airport Authority (MCIAA) Collector Bingo Matugas diin mitira kini'g lima ka three-pointers sa kinatibuk-an niyang 19 puntos aron pangulohan ang Mactan Hotmen pagbuntog sa Monday Club, 71-67 atol sa  exhibition game niadtong Lunes sa gabii diha sa Sacred Heart School-Jesuits gym sa dalan Gen. Maxilom Avenue, ning dakbayan.

Ang unang-tulo ka three points ni Matugas gihimo sa first half ug ang katapusang duwa sa ulahing bahin sa third period diin ang Hotmen nilabaw og 14 puntos, 58-44 sa nahabiling 35 segundos sa maong kuwarter.

Mi-rally ang Monday Club sa fourth period dihang gipapahuway si Matugas ni coach Romy Cal. Ang sentrong si Jonathan de Leon ug ang point guard nga si Luther Magallano    maoy nangulo sa rally alang sa Hotmen aron laslasan ang labaw ngadto sa singko puntos, 63-68 sa nahabiling 1:45 sa duwa.

Sila si Jared Kane Abatayo, Ronnie Clapano ug Ronnie Ruiz mitimbre og otso puntos matag usa alang sa Hotmen.

Ang Monday Club   gipangulohan ni Naga City councilor Vince del Mar sa iyang nuybe puntos.

Ang Hotmen, kinsa niduwa nga wala ang ex-UC Webmasters skipper Kenneth Kern Sesante ug King Amores mosalmot sa 1st Port of Cebu Sportsfest 2010 nga sugdan karong adlawa diha sa Mandaue City Cultural and Sports Complex.

Puntos Matag Usa

Mactan Hotmen (71) - Matugas 19, Abatayo 8, Clapano 8, Ruiz 8, Ramos 6, Mata 6, Ararao 4, Sillar 4, Ambrad 2

Monday Club (67) - Olvido 16 De Leon 12, V. Del Mar 9, Del Mar 9, Bartolaba 6, Magallano 6, Del Rosario 4, Duarte 2. – BANAT NEWS