Run to the Clouds gitakda sa Marso 21
CEBU, Philippines - Masukod na usab ang abilidad sa mga Sugbuanong runners sa labing unang "Run to the Clouds" nga mosikad karong Marso 21 diha sa Zipline sa Brgy. Busay, ning siyudad.
Dul-an sa 500 ka runners ang gipaabot nga magginukdanay sa bukirang bahin sa Brgy. Busay.
Ang lumba nga gibahin sa duha ka dibisyon -- Men and Women’s Open, adunay gilay-on nga walo ka kilometro diin manukad kini sa Outpost sa Nivel Hills ngadto sa
Zipline.
Matud ni Anton Regis, ang presidente sa Sugbutriathlon, nga ganting salapi ug mga tropeyo ang nagpaabot alang sa top three finishers sa matag dibisyon. Ang makampiyon mobulsa og P3,000, ang second placers makaangkon og P2,000 ug ang third placers makadawat og P1,000.
Ang registration sugdan karong Pebrero 15 hangtod sa Marso 17. Aduna kini registration fee nga P250.
Alang sa dugang mga detalye, mahimong motawag ni Regis sa numero 0929-7781979 o bisita sa www.sugabutriathlon.com – BANAT NEWS
- Latest
- Trending
