Registration sa RECYCLE kutob lang karong adlawa

CEBU, Philippines - Gihatagan na kutob karong adlawa ang mga cyclists, kinsa napakyas pagparehistro alang sa 8th RECYCLE-Luzvimin-USA Cebu Race Series.

Naila nga "Tour Ni Frank," ang duha ka adlaw nga kompetisyon mosikad ugma diha sa Mandaue City reclamation area.

Ang unang adlaw mao ang criterium ug inig Domingo mao ang road race nga mosubay sa Toledo, Trans-central highway ug Buak.

Si Dr. JV Araneta, usa sa mga event organizers nagkanayon nga lima ka teams gikan sa Manila ang mosalmot sa kompetisyon ug ingon man mga riders gikan sa Leyte ug Dipolog City.

Ang labing dakung panon sa mga riders mao ang host-Cebu nga naglakip sa HBC ni Ernie Hortaleza, DECC, PLDT, MJY, Cebu Cycling squad ug ang Union Cyclista Zanorte.

Ang entry fee nagkantidad og P150 libre na ang snack ug raffle ticket. – BANAT NEWS