My City Games balik na

CEBU, Philippines - Human sa taas nga pahuway tungod sa Sinulog, mobalik na sab ang aksiyon sa Cebu City My City Games uban ang walo ka koponan nga magpinaksitay karong gabii sa managlahing binyu.

Mopakita sa labing una nilang aksiyon ang Sawang Calero diin ilang sangkaon ang San Nicolas Proper diha sa Inayawan Sports Complex sa unang duwa nga gikatakda sa alas-7:00 sa gabii , sundan sa sangka sa Suba batok sa Duljo Fatima sa alas-8:30.

Didto sa Poblacion Pardo Sports Complex, ang Calamba makigtigi batok sa Brgy. Guadalupe sa pasiunang duwa ug ang Kalunasan mobatok sa Sapangdaku sa ikaduhang duwa.

Ang torneyo nga matapos karong Abril gisalmotan sa nagkalain-laing barangay sa South ug North districts sa siyudad sa Sugbu. – BANAT NEWS