De Luna wagi kay Bolhaj

MANILA, Philippines - Sinundan ni Jeffrey de Luna ang yapak ng kababayang si Lee Van Corteza makaraang igupo si Roda Bolhaj ng Morocco, 8-5 sa panimula ng Predator World Tour sa Lloret de Mar sa Girna, Spain.

Susunod na makakalaban ni De Luna ang bigating si Neils Feijen ng Netherland sa susunod na round.

Nanaig din sina reigning World Ten Ball Champion Mika Immonen ng Finland at dating World Pool champion Johnny Archer ng Estados Unidos.

Namayani si Immonen kay Severino Ballesteros ng Spain, 8-4 habang nanaig naman si Archer kay Albert Casellas ng Spain, 8-1.