Hawks balik uli sa tuktok sa East

ATLANTA--Muling naagaw ng Atlanta Hawks ang pangunguna sa NBA’s Southeast Division matapos na itala ang kanilang ikaanim na sunod na panalo nitong Biyernes makaraang igupo ang Utah Jazz, 96-83.

Umiskor si Josh Smith ng 16 puntos at nagdagdag naman si Marvin Williams ng 15 puntos kung saan pinagpahinga na ni Hawks coach Mike Woodson ang kanyang mga starters sa final canto.

Nalimita ng Hawks ang Jazz, na tanging sina reserves Andrei Kirilenko at Eric Maynor lamang ang tumapos ng dobleng pigura, sa 30-6 field goals sa pagbubukas ng third period.

Ang winning streak ng Atlanta ang siyang pinakamahaba ngayong season.

Sa Dallas, tinapos ng Houston ang winning streak ng Dallas sa limang laro matapos na iposte ang 116-108 panalo sa overtime.

Sa iba pang laro, tinalo ng Washington Wizards ang Golden State Warriors, 118-109 at hiniya ng Minnesota Tinberwolves ang Sacramento Kings,112-96.