MANILA, Philippines - Kailangang mag-iba ng estilo si Manny Pacquiao para sa kanyang nakatakdang laban kay Floyd Mayweather Jr., na bagamat inaayos pa sigurado na itong magaganap sa Marso 13 ayon sa CountNews.
Ito ang sinabi ni Freddie Roach ang trainer ni Manny Pacquiao na nagkumpirma ring pumirma na si Pacquiao sa kontrata at totoong nagkasundo na sa gloves na gagamitin, na paglalabanan ng WBC welterweight belt ni Pacquiao at sa hatian sa kita.
“It's a difficult fight, it's the most difficult style for us to go against because he is a runner and a counter puncher. We will go to camp and we will make some changes, we will set traps for this guy,” ani Roach.
Sabik na si Roach para sa laban na wala pa ring venue hanggang ngayon at sinasabi niyang mabigat na hamon ito para kay Pacquiao.
Samantala, biglang nawala sa eksena ang Dallas Cowboy stadium bilang venue ng Pacquiao-Mayweather Jr., megafight nang biglaang magkansela si Golden Boy CEO Richard Schaefer na kumakatawan para kay Mayweather para sa negosasyon ayon sa ESPN.com
Kinabukasan na ang nakatakdang tour sa $1.3 billion na 80,000 seater Cowboy stadium kasama si HBO Sports president Ross Greenburg kung saan nakatakda nilang kusapin ang Dallas Cowboys owner na si Jerry Jones nang makatanggap ng tawag si Top Rank Chief Bob Arum, ang promoter ni Pacquiao, mula kay Schaefer.
“Richard called me last night and said he won’t go to Texas,” ani Arum. (MBalbuena)