GAA Selection mipukan sa CECABA All-Stars

CEBU, Philippines - Ang Guadalupe Athletic Association (GAA) All Star migamit og maayong depensa nga maoy gihimo nilang hinagiban pagpukan sa Cebu Eastern College Alumni Basketball Association (CECABA) All-Stars, 93-85 sa ilang exhibition game niadtong Domingo diha sa Guadalupe Sports Complex.

Ang GAA Selection ni coach Allan Ricana ug Dr. Boy Te     naglabaw og 10 puntos sa halos tanang duwa, apan wala kini makainat og maayo kay ang CECABA All Stars mangigo man sab. Ang GAA miposte sa ilang dakung labaw nga 12 puntos, 86-74 sa nahabiling 5:27 sa duwa.

Nakan-an sa CECABA ang labaw ngadto sa sayes puntos, 72-78 gikan sa five-point swing ni Chester Cokaliong ug Edvin Kaw, apan ang GAA mibawos pinaagi sa pagpabuto og 6-0 run aron inaton ang labaw ngadto sa double digit, 84-72 sa tunga-tungang bahin sa final period.

   Si Vincent Reyes milansang og 17 puntos alang sa GAA All-Stars nga igo na kaayo alang kaniya nga mahimong MVP. Si Joselito Ocampo miposa og 15 puntos, samtang sila si Bart Minoza ug Cabanilla miamot og 14 puntos matag usa.

Si Joel Chan adunay 20 puntos, samtang si Cokaliong mitimang og 19 puntos alang sa CECABA All Stars.

PUNTOS MATAG USA

GAA All Star (93) - Reyes 17, Ocampo 15, Cabanilla 14, Minoza 14, Te 8, Noel 8, Hernandez 4, Perez 4, Dinampo 3, Bamba 3, Sollano 3, Sasing 2

CECABA All Star (85) - Chan 20, C. Cokaliong 19, W. Yu 17, Kaw 11, R. Yu 8, Cokaliong 4, Lanutan 4, Sia 2   (BANATNEWS)