Team Cebu City swimmers moladlad na's ilang katakus

CEBU, Philippines - Mopakita na sab sa ilang katakus ang Team Cebu City-Blue Marlins Swimming Club sa G-League Short Course National Championships karong adlawa didto sa Los Baños sa Laguna.

Si coach Rolando Alvarez mihagpat og 16 ka swimmers aron morepresentar sa Cebu City ning upat ka adlaw nga torneyo, nga maoy culmination sa tanang provincial legs niining kalihukan nga gipasiugdahan sa Philipppine Amateur Swimming Association (PASA).

Ang komposisyon sa Team Cebu City naglakip nilang Paula Abigail Vega ug iyang igsuong Michael David Vega, Noel Cañeda ug iyang igsuon nga si Trina, Beth May Arellano, Pierre Niño Baguio, Fritz Tamara, Joyce Huguete ug Romylyn Niña Ignacio sa University of Cebu, Anthony II, Lyh Ann ug Anthony Linn Navarro sa Cebu Eastern College, Danielle Mae Ballesteros sa University of Southern Philippines Foundation, Tristan Kirk Ebon sa University of San Carlos-South Campus, Michael Ichiro Kong sa FBC Christian School ug Karen Mae Indaya sa Labangon Elem. School. – BANAT NEWS