CEBU, Philippines - Midaog sa ilang road game ang New York Knicks, usa sa labing ngil-ad ug record sa NBA human ilang gipukan ang ilang silingan nga team ang New Jersey Nets sa iskor, 98-91 ug naka-angkon na ug 0-13 nga baraha atol sa ilang sangka kagahapon didto sa IZOD Center sa East Rutherford, New Jersey.
Ang Nets nagkaduol na sa pinakabati nga pagsugod sa season nga 0-17 nga gihuptan sa Miami Heat ug Los Angeles Clippers.
Ilang suwayan ug putol ang nagkutay nga kapildehan sa ilang malisod nga biyahe didto sa West diin ilang ikasangka ang Denver, Portland ug ang Los Angeles Lakers.
Kung magpadayon silang magsige up kapandol, ang Nets na unya maoy mahimong pinaka bati nga team sa NBA sa pinakataas ug kutay sa pilde pagsugod sa season.
Ang coach sa Nets nga si Lawrence Frank midaog ug 13 ka sagunson nga duwa human siya matudlong coach kaniadtong Enero 2004 ug dunay posibilidad nga iya kinign tablahon sa 13 sab ka sunod-sunod nga pilde.
Sukad niadotng Disyembre 3, 1994, wala pa mag-abot ang duha ka pilderong teams nga pulos ngil-ad ug record diin ang 2-13 nga Minnesota Timberwolves nakigsangka batok sa 0-14 nga Clippers.
Sila si Al Harrington ug ang Italyanong si Daniulo Gallinari parehong mihakot ug 17 puntos alang sa Knicks samtang si David Lee miamot ug 16 puntos uban sa iyang 12 ka rebounds.
Ang Nets gipangulohan ni Chris Douglas-Roberst kinsa mibahug ug 24 puntos ug si Brooks Lopez kinsa mitabon sa iyang nawong sa iyang uniporme human sa duwa, mipuntos ug 18 lakip ang iyang 12 ka rebounds.
Sa laing duwa, midaog ang Utah Jazz batok sa Detroit Pistons sa overtime, 100-97. Si Carlos Boozer maoy na ngu sa Jazz sa iyang 22 puntos ug gikan sa bench, mi-iskor sab ug 22 puntos ng Russian nga si Andrei Kirilenko kinsang duha ka free throws sa kataposang 9.8 segundos maoy nakatabang sa ilang kadaogan.
Si Ben Gordon kinsa maoy nangu sa Pistons sa iyang 25 puntos, maoy naghatod sa duwa ngadto sa overtime human sa iyang free throws may 22.1 segundos sa sa regulatioon ug dili na unta molanat pa sa overtime kung napasulod pa ni Paul Millsap sa Jazz ang iyang potential winning jumper.
Sa laing duwa, midaog ang Cleveland batok sa Philadelphi, 97-91, gipakuratan sa New Orleans ang Atlanta, 96-88, midaog ang Milwaukee batok Memphis, 103-98, gilubong sa San Antnoio ang Washington, 106-84, midaog ang Houston batok sa Sacramento, midaog ang Denver batok sa Chicago, 112-93 ug gipulbos sa Portland ang Minnesota, 106-78.
Sa lumba alang sa MVP, si Steve Nash sa Phoenix Suns moy nag-una sa listahan. Ang laing siyam ka contenders ning sayong bahin sa lega mao sila si Kobe Bryant sa LA, Joe Johnson sa Atlanta, Carmelo Anthony sa Denver, Dirk Nowitzki sa Dllas, LeBron James sa Cleveland, Dwyane Wade sa Miami, Paul Pierce sa Boston, Brandon Roy sa Portland ug ang makapa-isa sa kilay mao ang ikanapulo nga ang rookie nga si Brandon Jennings sa Milwaukee. - GGM gikan sa NBA.com