Traders, Contractors abante sa q'finals

CEBU, Philippines - Mi-abante na sa quarterfinals ang Cebu Unique Trade ni team owner Ronel Tiu ug ang JS Contractors ni Sherwin Lequit human ilang gipukan ang tagsa-tagsa nila ka kaatbang sa Punta Princesa Ball Club (PPBC) 2009 Vice Mayor Mike Rama Cup basketball tournament diha sa Vicente Sotto Memorial Gym sa barangay Punta Princesa, ning dakbayan.

Ang Traders naka-eskapo bitbit ang 85-83 nga kadaugan batok sa J-Art ni Jimbo Noel, samtang ang Contractors mitumba sa Heartvit sa iskor nga 106-91.

 Ang power forward nga si Dindo Sauza maoy nangu sa Traders nga milansang og 16 puntos, gisundan ni Rolly Catubig, kinsa miladlad og 15 puntos lakip na ang winning basket.

Sila si Louie Navarro ug Fritz Sullano nagkumboya og 25 puntos alang sa Traders.

Ang pilderong J-Art gipangulohan sab ni Glen Birao, kinsa mibahug og 31 puntos, samtang sila si Erwin Ferrer, Jojo Mante ug Noel mirehistro sab og double digits.

Sa laing bahin, si ex-USC Warriors Bong Eleazar mitarok og 30 puntos aron pangulohan ang JS Contractors, samtang si Winston Sanchez, mao sab ang nangulo sa naparot nga Heartvit pinaagi sa iyang 24 puntos.

Puntos Matag Usa

Unang duwa:

Unique Trade (85) - Sausa 16, Catubig 15, Navarro 13, Sullano 12, Ciabo 10, Faunillan 8, Iona 4, Toiu 4, Libre 3

J-Art (83) - Birao 31, Ferrer 13, Noel 13, Mante 10, Te 8, Perez 4, Tecson 3, Bucton 2

Ikaduhang duwa:

JS Contractors (106) - Eleazar 30, S. Lequit 16, Taborada 14, Vallejo 13, Lequit 10,Caburnay 7, Vinalon 5, Canencia 5, Cabunilas 2, Empacis 2, Tecson 2

Heartvit (91) - Sanchez 21, Arias 14, Lim 14, Jumamel 13, Zamora 11, Y. Reyes 9, Mosqueda 4, Babatid 2. – BANAT NEWS