CEBU, Philippines - Mga lig-ong collegiate teams sa Sugbu ang magtigi sa 1st Sinulog Jiboren’s Cup Volleyball Open nga sugdan karong Nobiyembre 15 diha sa Pasil Sports Complex, niining siyudad.
Ang kampiyon sa men ug women's sa Cebu Schools Athletic Foundation Inc. (CESAFI) University of San Jose-Recoletos (USJ-R) ug Southwestern University (SWU) maoy mangulo sa mga lig-ong koponan nga magsangka.
Ang maong torneyo dugay na nga gilaraw lima ka tuig na ang nilabay ni tournament organizer Judelyn Cabasa-Lietz.
“It’s been my dream to hold this kind of volleyball sporting event. It took me five years before I was able to finally come up with everything that is needed to stage this very first volleyball tournament in our place,” matud pa ni Lietz.
Ang University of the Visayas (UV), University of San Carlos (USC) ug ang Ave Maria Sanctuary and Park-backed USJ-R mokumbati sa men ug women's division. .
Mokompleto sa mga team sa men’s division mao ang Dindo Salon and X-clusivz, JPC, Yosores, Saiha ug Team Pasil, samtang sa women’s mao ang Froilan ug ang University of the Philippines A ug B.
Gawas sa mga tropeyo ug medalya, ang kampiyon mobulsa og P12,000, ang second placer makadawat og P10,000 ug ang third placer makaangkon og P7,000.
Ang 1st Sinulog Jiboren’s Cup Volleyball Open nga motamod sa bag-ong lagda sa FIVB, usa sa mga highlights sa tinuig nga kapistahan sa Senyor Sto. Niño sa Brgy. Pasil karong Enero.
“Tournament like this would serve as exposure for our players, especially for my men’s team for the upcoming PRISAA. We really appreciate people who would hold tournaments like this at least after CESAFI we have something to look forward to,” matud pa sa Cebu Sports Hall of Famer coach Grace Antigua. (BANATNEWS)