Kahinaan ni Pacquiao alam na ng kampo ni Cotto

MANILA, Philippines - Sinasabi ng kampo ni Miguel Cotto na alam na nila ang kahinaan ni Manny Pacquiao at gagawa sila ng gameplan upang samantalahin ito ayon sa fighthype.com.

Gaya ng sinasabi ni Freddie Roach na nakita na nila ang kahinaan ni Cotto, may nakita na rin si Joe Santiago na butas kay Pacquiao.

“We already know the weakness of Manny. If theres any doubt, just review the eight round of his second fight with Juan Manuel Marquez,” ani Santiago,

Naniniwala si Santiago na may ipinakitang kahinaan si Pacquiao sa kanyang rematch kontra kay Marquez na maaaring gamitin ni Cotto.

Matapos rebisahin ang video ng huling laban ni Pacquiao kay Marquez, nakitang may mga nagawa ring maganda si Marquez para saktan si Pacquiao.

Isang straight right hand sa ibaba sa gitna mula kay Marquez sa ikawalong round ang nagbukas ng cut sa mata ni Pacquiao na ininda nito sa kabuuan ng naturang round. Isang left hook sa katawan ang ininda rin ni Pacquiao.

Matapos madiskubre ito, guimawa ng gameplan ang Team Cotto.

“Now that you can compare Cotto with Marquez. Theres no comparison really. Cotto has more tools, He’s versatile fighter who knows boxing,” ani Santiago. “He knows how to fight backwards and knows how to use speed when necessary and can adjust on the fly.”

Bagamat batid ni Santiago kung gaano kabilis ang kamay at paa ni Pacquiao kumpiyansa itong kayang tapatan ito ng natural size at abilidad ni Cotto.

“Pacquiao is a 130, 135-pound fighter coming to 147. He has done great things in boxing that you can’t take away. But he has never faced a natural 147-pound fighter who’s young and in his prime like Cotto,” sabi pa ni Santiago. “He has looked very good in his sparring. Miguel has assimilated to the rhythm of Pacquiao and he is ready,” ani Santiago.

“Miguel is hungry for this fight. He wants to show not only to the Puerto Rican but the entire world that he is the best pound-for pound,” sabi pa ni Santiago.

Samantala, dinagsa ng Hollywood celebrities at publicists ang Wild Card Gym para lamang maki-pagkamay kay Pacquiao at imbitahan ito sa guesting sa kanilang TV programs at iba pang live sporting events.