Power 40 mitumba sa Piston Fighter didto sa Alcoy

CEBU, Philippines -  Gipakauwawan sa Power Forty Selection nga gipangulohan ni Alex Mercado ang host Piston Fighter nga gibidahan sa mga magduduwa gikan sa barangay Atabay sa lungsod sa Alcoy pinaagi sa paglubong, 88-65 atol sa ilang exhibition game niadtong Sabado didto sa Atabay Multi-Purpose Gym.

Si Mercado mipugnit og 23 puntos ug si Joel Escalon midugang og 14 puntos alang sa Power Forty Selection. Sila si Wilbor Cabrera ug Efren Mosqueda nagkumboya og 21 puntos.

Si Osted Carulasan mao sab ang nangulo sa   Piston pinaagi sa iyang 12 puntos, gisundan nilang Dandan Anor ug Kenny Antig nga mikutlo og 10 puntos matag usa.

Ang exhibition game   nahimong posible tungod sa pagdapit ni Atabay barangay councilor Efren Mosqueda uban sa abag ni Power Forty adviser Atty. Flor Yosores, ang team owner sa UTASSCO ug ni commissioner Edwin Dejacto. 

Puntos Matag Usa

Power Forty (88) - Mercado 23, Escalon 14, Cabrera 11, Mosqueda 10, Arias 9, Yosores 8, Bughao 7, Vernaiz 2, Dela Rama 2, Lisondra 2

Piston Fighter (65) - Carulasan 12, D. Anor 10, Antig 10, E. Anor 8, T. Anor 8, Antido 6, Delos Santos 5, Anor 4, Mosqueda 2 . – BANAT NEWS