Copper, MRD daog sa VECO hoopfest

CEBU, Philippines - Mikulit og buyna manong daog ang Copper troopers ni skipper Dennis Tamarra human ilang gilubong ang Guard Anime, 93-74, samtang ang MRD quintet milubong sab sa Centro-7, 93-79 sa pagsugod sa 3rd VECO Contractor’s Cup basketball tournament diha sa VECO open court sa dalan D. Jakosalem, ning dakbayan.

Sayong nanginit ang Copper ubos sa mainitong opensiba nilang Lito Navarro ug Mark Gocotano aron pagposte og 28-16 nga bentaha ug ilang gitapos ang halftime, 42-24. Ang Copper padayong nikontrolar sa duwa ug wala na kini molingi pa sukad niadto.

Si Navarro mihipos og 20 puntos aron pangulohan ang Copper, samtang si Gocotano mitampo og 17 puntos.

Si Leif Gasul mao sab ang nangulo sa Anime pinaagi sa iyang 26 puntos, gisundan ni Ern Zamonte nga adunay 15 puntos.

Sa laing duwa, si Kent Alvarado mipabuto og 22 ug si Rowel Sumalinog miabuno og 21 alang sa MRD. Samtang si Alvin Coca milansang og 31 puntos alang sa pilderong Centro-7.

Ang maong torneyo nahimong posible tungod sa paningkamot ni tournament commissioner Voltaire Castillo ug kaubanan.

Puntos Matag Usa

Unang duwa:

Copper (93) - Navarro 20, Gocotano 17, Tamarra 15, Caballero 14, Coyoca 8, Belocura 6, Cortez 5, Gallardo 4, Rojas 2, Castillo 2

Anime (74) - Gasul 26, Zamonte 15, Roque 6, Togono 6, Neil 5, Beloria 4, Solon 4, Judal 4, Esmero 2, Brioso 2

Ikaduhang duwa:

MRD (93) - Alvarado 22, Sumalinog 21, Medel 14, Alcordo 11, Aniñon 11, Laborte 4, Beltran 4, Serrano 2, Borres 2, Ybañez 2

Centro (79) - Coca 31, Bejaresco 22, Comendador 12, B. Flores 6, L. Flores 4, Memdoza 2, Asingua 2. – BANAT NEWS