Ang mga tiket mapalit sa PKCB nimasaker sa EYHA, 75-44

CEBU, Philippines - Midaog ang Karl Customs Brokerage (KCB) ni team owner Nelson Arnoco ug coach Norwin Honoridez dihang ilang gidabodabohan ang Guadalupe SK champion EYHA, 75-44 atol sa ilang exhibition game nga usa sa mga highlights sa Guadalupe Slam and Jam niadtong Sabado diha sa Guadalupe Sports Complex.

Nagluya pagsugod ang KCB ug nabiyaan kini'g nuybe puntos sa iskor nga 2-11. 

Dihang ila nang nasakmit ang labaw, ang KCB wala na molingi pa hangtod nga nahuman ang duwa.

Sila si Charles Arnoco, Allan Doble ug Alwin Aguirre yano kaayong miligis sa depensa sa EYHA, kinsa wala gyud makasugakod pagsugod sa second period.

Sila si Kis Gerson, Joey Oren ug Ryan Lopez maoy nag-alayon alang sa 31 nga kadaugan sa KCB.

Si Gerson miburak og 12 puntos ug sila si Oren ug Lopez parehong miposa og 10 puntos.

Si Dodong Lazaga mi-iskor og 11 puntos alang sa pilderong EYHA.

Puntos Matag Usa

KCB (75) - Gerson 12, Oren 10, Lopez 10, Arnoco 9, Aguirre 8, Jongoy 6, Leyson 6, Villamor 4, A. Doble 4, Doble 4, Somalo 2

EYHA (44) - C. Lazaga 11, Hipolito 7, Sabesaje 6, J. Lazaga 6, Yu 4, Actub 2, Arriola 2, Zamora 2, Galan 2, Gabutan 2. – BANAT NEWS