Largo-Espina tandem hawod sa Latin

CEBU, Philippines - Nirampa og maayo ang garbo sa Talisay City High School nga sila si Fatima Largo ug Jocel Espina aron sakmiton ang kampiyonato sa 2009 Mayor's Cup Inter-School Dancesports Competition niadtong miaging gabii didto sa Talisay City Sports Complex.

Ang tandem nilang Largo ug Espina mipilde sa ilang higpit nga kaatbang nga sila si Raciel Alayacyac ug Mark Arvy Son sa Talisay Malayan Academy. Sila si Maria Giselle Ditang ug Jose Kenmar Reyes mipahiluna sa ikatulong dapit.

Sa modern category, sila si Teresa Marie Garces ug Christian Arnold Guardia sa Talisay Science High maoy milutaw nga overall champion, gisundan sa tandem nilang Gercesa Belleza ug Shane Philip Tiner sa Divino Amore Academy alang sa ikaduhang dapit, samtang ang tandem nilang Mathessa Villaver ug Shawn Mark Cahayag maoy midaog sa ikatulo.

Ang kampiyon sa matag kategoriya nakadawat og P3,000, ang second place mibulsa og P2,000, samtang ang third place nakaangkon og P1,000.

Ang dancesports competition gipasiugdahan sa Talisay City Sports Commission (TCSC) uban sa suporta sa Talisay City Government ubos sa pagdumala ni Mayor Socrates Fernandez.   (BANATNEWS)