CEBU, Philippines - Nasayop ang Los Angeles Lakers tungod sa pagkuha o pagpapirma niini kang Ron Artest ug kini maoy maghatag og higayon sa ubang team sa Western Conference nga mahimong contenders matod pa sa tag-iya sa Dallas Mavericks nga si Mark Cuban.
Gipalanog ni Cuban ang iyang komentaryo didto sa Dallas nga radio station sa ESPN 103.3 sumala pa usab sa ESPNDallas.com.
“I tell you what, now that they’ve got Ron Artest, I couldn’t think of anything better,” matod pa ni Cuban didto sa maong radio station.
“If you would have said, what one player—and I’ll get killed over this—what one player would you like to see on the Lakers? Ron Artest,” padayon pa ni Cuban.
Matod pa ni Cuban nga unsaon lang kaha kung si Artest na maoy magkupot sa bola ug magbarug si Kobe Bryant magsige’g pangayo sa bola. “Could you imagine? Ron Artest has got the ball, and Kobe’s standing there, ‘Throw me the ball.’ Thank you, Ron Artest.”
Ang Mavericks mobukas sa ilang road game batok sa Lakers unya sa Oktubre 30. - GGM (BANAT NEWS)