CEBU, Philippines - Gipukan sa Alternator ug Axle ang tagsa-tagsa nila ka mga kaatbang sa semifinals sa 2009 Roadstar Basketball League niadtong miaging adlaw diha sa Benedicto College Gym.
Ang Alternator mibuntog sa Studbolt sa iskor nga 77-68, samtang ang Axle naka-eskapo batok sa Transmission, 69-68.
Si Franklin Neil Ong miduslit og 24 puntos, gisundan ni Roberto Cabantug nga miamot og 20 puntos alang sa Alternator.
Sayong nanginit silang Cabantug ug Guilbert Carambias dihang nipatusak sila og upat ka three-point shots aron hatagan ang Alternator og singko puntos nga labaw sa first period, 21-16.
Ang Studbolt gipangulohan ni Raul Equibal, kinsa miposte og 13 puntos, samtang sila si Anthony Marino ug Ernie Nombrado midugang og 10 puntos matag usa.
Sa laing bahin, si Charlito Alivo mao sab ang mitimon sa Axle sa iyang 20 puntos, apan ang jumpshot ni Lourdito Lucero Jr. sa katapusang kuwatro segundos sa duwa maoy nibaswat sa ilang koponan ngadto sa kadaugan.
Si Sherwin Candalida mibugha og 18 puntos alang sa pilderong Transmission.
PUNTOS MATAG USA
Unang duwa:
Alternator (77) – Ong 24, Cabantug 20, Gunayan 10, Carambias 8, Equibal 6, Hortelano 4, Corteza 3, Canitan 2
Studbolt (68) – Equibal 13, Marino 10, Nombrado 10, Donayre 11, Aguelo 6, Paler 6, Granzon 4, Mangraon 4, Menisterio 4
Ikaduhang duwa:
Axle (69) – Alivo 20, Ang 15, Cuico 7, Abrenica 6, Roasl 4, Regis 4, Canlom 3, Cortes 2, Rubio 2
Transmission (68) – Candilada 18, Dimaymay 8, Menisterio 8, Minoza 6, Masocol 6, Mendoza 6, Ho 6, Dagano 5, Omamalin 5 (BANATNEWS)