5th GUV Cup gen. assembly sa CICC

CEBU, Philippines - Tungod sa kadaghan na sa volleyball teams sa probinsiya, ang general assembly sa 5th season sa Governor Gwen Garcia Unity Volleyball (GUV) Cup for Men and Women himuon sa labing unang higayon diha sa Summit Hall sa Cebu International Convention Center (CICC) karong Septiyembre 5.

"Compared to the previous years that we had the general assembly at the Capitol Social Hall, we believe that in this year’s competition the social hall could no longer accommodate everyone since there will also be men’s teams. So, we decided to hold it in CICC," matud pa ni Cebu Volleyball Association (CEVA) Director for Volleyball Development Affairs Jerry Winona Catipay.

Ang ID system ug ang pag-apod-apod sa official balls ug nets ang ihatag sab ngadto sa men's ug women's teams atol unya sa general assembly.

Matud pa ni Catipay nga kinahanglan nga motambong ang tanang teams kay ila sab nga ipaambit ug ibutyag ang kausaban sa lagda nga gihatag sa Federacion Internationale de Volleyball (FIVE).

Atol sa duha ka adlaw'ng coaches ug trainers seminar niadtong Biyernes ug Sabado, miabot na og 20 ka teams ang nipadayag sa ilang partisipasyon ning tinuig nga kompetisyon.

Gipahibalo sab ni Catipay nga niadtong wala makatambong sa nahisgutang seminar, gitagalan lang hangtod sa Septiyembre 5 sa pagduso sa ilang line-ups.

Kahinumduman, nahimong kasaysayan ang GUV Cup sa miaging tuig gumikan kay ang tanang 52 ka mga dagkung siyudad ug lungsod dinhi sa Sugbu ang misalmot sa maong torneyo. - Yoyo R. Abayan (BANAT NEWS)