Colt 45 daug vs.RH

CEBU, Philippines - Grabe og epekto ang Colt 45 ubos sa liderato ni ex-Lancer Jury Violango dihang nabangog ang Red Horse, 99-92 sa Talisay Fiesta Cup exhibition game diha sa Talisay Sports Complex.

Sa laing goodwill match, ang FYA Selection mimakmak sa Canton Village Basketball Organization (CVBO) nga gipangulohan ni Cherry Dy sa iskor nga 118-97.

Si Violango miyarok og 27 puntos aron giyahan ang Colt 45 ngadto sa dalan sa kadaugan. Sila si Colianne Capala ug Noie Restauro nagkumboya og 27 alang sa Colt 45.

Ang nabangog nga Red Horse gipangulohan sa tandem nilang Chee Cabuenas ug Carl Rama nga nagkumboya og 35 puntos. Laing tulo ka players ang mirehistro og tag-10 puntos alang sa Red Horse.

Sa sayo pa, si Bikeng Rollon miburak og 24 puntos aron pangulohan ang FYA Selection, samtang si Intoy Gonzaga miposa sab og 24 puntos alang sa pilderong CVBO.

Puntos Matag Usa

Unang duwa:

FYA SELECTION (118) - Rollon 24, Enriquez 12, Caballero 12, Laborte 12, Marqueda 10, Llegunas 7, Cadungog 6, Villaver 6, Limbaga 6, Patalita 4, Arias 2

CVBO (97) - Gonzaga 24, BJ 20, Del Rosario 13, Benedict 8, J-bot 7, Mark 6, W. del Rosario 4, Capala 2, Pono 2, Benjie 2, Byron 2

Ikaduhang duwa:

COLT 45 (99) - Violango 27, Capala 15, Restauro 13, Dy 12, Alcordo 10, Milton 5, Niki 4, JR 4, Peksman 2, Johannes 2, Steve 2, Cabardo 1

RED HORSE (92) - Cabuenas 18, Rama 17, Navaja 10, Ganados 10, Siolat 10, Bernard 8, Oljol 7, Justin 6, Maningo 4. - Gabby G. Malagar (BANAT NEWS)