CEBU, Philippines - Sa labing unang higayon, ang Cebu Diamond Lions Club mopasiugda og Charity Fun Run karong Agosto 30 diha sa Sumilon Road sa Cebu Business Park.
Liboan ka runners ang gipaabot nga modagan sa maong lumba nga gibahin ngadto sa tulo ka kategoriya - ang 3K (12 below), 5K ug 10K Masters A ug B.
Atol sa press conference kagahapon diha sa Asian Palm Restaurant sa Mabolo, si Manuel Piamontel Jr., ang CDLC president nagkanayon nga ilang bawalan sa pagsalmot ang mga beteranong runners hinungdan nga wala nila giapil ang open division.
Ganting salapi ang madawat
sa top runners. Ang kampiyon mobulsa og P3,000, ang second placer makaangkon og P2,000 ug ang third placer makadawat og P1,000.
Aduna kini registration fee nga P200 libre na niini ang singlet ug race number. Ang registration forms makuha diha sa Philippine Sports Commission (PSC) Office.
Alang sa dugang mga detalye, kontaka si Audie o di ba si Lerma sa 2547786.
Si Henry Tan, ang kanhi Club president nagkanayon nga ang makita sa maong lumba itabang ngadto sa mga bata nga adunay cancer ug uban pa nga proyekto sa Cebu Diamond Club. (THE FREEMAN)