CEBU, Philippines - Miposte sa ilang ikaduhang daog ang Rudy AS-ES pinaagi sa pagpukan sa Ramagal, 79-69 sa Tejero Youth Basketball Organization (TYBO) Cadungog-Lao Cup diha sa Tejero Sports Complex.
Sila si Tristan Villaruel ug Paul Viagedor nagkumboya og 24 puntos alang sa Rudy AS-ES, kinsa mipatuasik sa ilang tirada sa first half aron pagposte og otso puntos nga bentaha paghuman sa first half, 46-38.
Nabuhi ang Ramagal sa third period dihang ilang napugngan ang pangatake sa Rudy AS-Es aron mapahakan ang labaw ngadto sa singko puntos, 54-59. Apan daling nakarekober ang Rudy AS-ES sa final period sa kombinasyon nilang Villaruel, Viagedor ug Emmanuel Enriquez aron inaton og balik ang labaw ngadto na sa pagposte og double digits nga kadaugan.
Puntos Matag Usa
RUDY AS-ES (79) - Villaruel 14, Viagedor 11, Enriquez 10, Mantos 10, Baya 9, Brian 8, Veloso 7, Lobitana 6, Hoyua 3
RAMAGAL (69) - Estopa 15, Lao 12, C. Cirujano 8, Apas 8, Flores 6, Baya 6, T. Cirujano 5, Enriquez 5, Arciaga 2. – BANAT NEWS