CEBU, Philippines - Ang Mandaue Aikido Center (MAC) magsaulog sa ilang ika-upat nga anibersaryo karong Sabado, Agosto 8.
Ang founder nga si Sensei TJ nanawagan sa tanan niyang aikido mates sa pakigduyog sa maong kasaulogan.
Usa sa daghang mga kalihukan mao ang aikido demonstration diin ilang ipakita sa publiko ang mga bag-ong pamaagi sa self-defense pinasubay sa lagda sa aikido way.
Si Sensei TJ maoy magsilbeng chief instructor ug pagaabagan nila ni Sensei Kit, Sensei Troi, Sensei Fritz ug Sensei Orland uban sa lain pang 13 ka mga senior instructors.
Ang Mandaue Aikido Center maghimo sab og practice sessions sa regular basis matag Miyerkules, Biyernes ug Sabado sa alas- 7:30-9:00 sa gabii .
Sa adlaw'ng Domingo, ang praktis pagahimuon gikan sa alas-3-5 sa hapon.
Kabahin sa ilang anibersaryo, ang MAC mopahigayon og aikido clinic sa nagkadaiyang tunghaan sa Mandaue City .
Alang sa dugang mga kasayoran, ang mga mahiligon sa aikido mahimong mo-kontak ni Sensei TJ sa telepono 348-2578. – BANAT NEWS