CEBU, Philippines - Mikulit og laing daog ang Yayoy's Grill and Resto Bar 2002 ug ang Hardman 2008 batok sa tagsa-tagsa nila ka kaatbang sa 2009 University of San Carlos Boys High Alumni Basketball Association (USCBHABA) Atan Guardo Barkadahan Cup Second Conference diha sa USC-North Campus gym.
Si Rico Llanto mipupo og 24 puntos ug si Rocky Alcoseba miani og 19 puntos alang sa Yayoy's Grill, kinsa mibuntog sa Atan Guardo '93 sa iskor nga 84-72, samtang ang Hardman '80 mipukan sa Sustagen Premium '83 sa iskor nga 93-84.
Giusikan ang 11 puntos nga labaw sa Yayoy's Grill, 23-12 nga naghatag og higayon sa Atan Guardo pag-ilog sa bentaha sa halftime, 40-37.
Ang Atan Guardo padayon nga mipauwan sa ilang puntos aron inaton ang labaw ngadto na sa 13 puntos paghuman sa third quarter sa iskor nga 64-51. Apan ang Yayoy's Grill mibawos pinaagi sa paglubong og 33-8 rally aron ilogon ang labaw gikan sa mga kamot sa Atan Guardo dayon na ngadto pagkulit og daog.
Sa sayo pa, ang Hardman milabaw og 15 puntos sa halftime, 52-37 ug ilang namintinar ang double-digits nga labaw hangtod nga nahurot ang oras sa duwa.
Ang 2009 USCBHABA season gipaluyohan sab sa Uniherb Philippines, usa sa nag-unang health companies sa nasud nga tiggama sa nabantog nga food supplements sama sa Arthro, Heartvit, Diabet, Kidneycare, Eyeberry, Athan, Slima ug Hardman.
PUNTOS MATAG USA
Unang duwa:
Hardman (93) - Cabaltera 30, Maninang 27, Balankig 14, Ceniza 8, Rola 6, Manulat 4, Ylanan 2, Galanza 2
Sustagen (84) - De la Cruz 21, Gerali 16, Lee 13, Sanico 8, De la Rosa 8, Aguhar 8, Honorio 4, Antigua 3, Lim 3
Ikaduhang duwa:
Yayoy's Grill (84) - Llanto 24, Alcoseba 19, Ruiz 14, Move 14, Ynclino 6, Gabato 4, Moran 3
Atan Guardo (72) - Eleazar 34, Soon 9, Nunez 8, Kiamco 6, Colinares 5, Banaag 4, Santos 4, Cabrera 2
(BANAT NEWS)