Guadalupe Inter-Commercial buksan karon

CEBU, Philippines - Andam na ang 11 ka mga koponan nga mopakita sa ilang abilidad sa 2009 Guadalupe Inter-Commercial Open Basketball Tournament nga buksan karong adlawa diha sa Guadalupe Sports Complex, ning siyudad.

Sa opening match ang Team Pacquiao nga gisuportahan ni   Manny Pacquiao mosuway pagkulit sa labing una nilang daog batok sa Ave Maria Sanctuary Park sa alas-7 sa gabii, samtang ang kampiyon sa Dino Faelnar Inter-Sitio Cup nga Aulga Hardware-CBRDAX-SCH makigtakos sa Chazyl Mae sa second game sa alas-8:30 sa gabii.

Lakip sa mga misalmot sa liga mao ang Asian College of Technology (ACT) Cyber Knights Land Transportation Office, San Remigio Beach Club 4/7 Air Freight, Mega Lotto, Salazar Colleges of Science and Institute of Technology (SCSIT) ug JMA Fabricator.

Gawas sa tropeyo, ang mokampiyon makadawat og P25,000, samtang ang second ug third placers makaangkon og P15,000 ug P10,000. Ang MVP makadawat og P1,500. (BANAT NEWS)