Batch '84 midaog sa USJ-R HS alumni

CEBU, Philippines – Ang star-studded Batch '84 dribblers nga gibitoonan nilang Rey Gurrea ug Roderick Bacalso midaog batok sa hiniusang puwersa sa Batch '76/'83, 85-73 sa nagpadayong USJ-R High School Alumni basketball tournament didto sa USJ-R Basak campus gym.

Sa lain pang mga duwa, ang Batch '86 milubong sa Batch '87 sa iskor nga 101-81, samtang ang Batch '88 midaog sab batok sa mas batan-ong Batch '90 sa iskor nga 81-73.

Si Gurrea, kanhi starting guard sa Jaguar miusap og 25 puntos, samtang si Bacalso, mitampo og 22 puntos alang sa Batch '84, kinsa nagbitbit og 5-1 nga baraha.

Si Jojo Mante mao sab ang nangulo sa Batch '76/'83 pinaagi sa iyang 27 puntos.

Sa laing bahin, ang Batch '88 gipangulohan ni Filemon Lariosa, kinsa miburak og 24 puntos. 

Puntos Matag Usa

Unang duwa:

Batch '84 (85) - Gurrea 25, Bacalso 22, Salili 12, Galope 12, Medina 7, Martelino 6, Maranga 1
Batch '76/'83 (73) - Mante 27, Lisen 12, Mejor 9, Saberon 8, Reynes 4, Pasana 4, Atillo 3, Romero 2, Bagano 2, Gabato 2

Ikaduhang duwa:

Batch '88 (81) - Lariosa 24, Sumalinog 22, Ylaya 10, Navarro 9, Atilano 8, Bacalla 4, Batucan 4

Batch '90 (73) - Dunggon 16, Ang 13, Marc 13, Cabajar 11, Topacio 10, Malinao 9, Jack 1 – BANAT NEWS