CEBU, Philippines – ang mopakita'g aksiyon sa Lapu-Lapu Basketball Association (LLBA) Friendship Cup 2009 nga buksan ugma sa alas-7 sa gabii diha sa Villas Magallanes gym sa Sta. Lucia Properties sa Basak, dakbayan sa Lapu-Lapu.
Ang mga partisipanteng koponan uban sa tagsa-tagsa nila ka manedyer naglangkob sa Milania Stone ni Alan Yu, John Videoke ni Lito Magat, Daniella's Internet Café ni Billy Nadado, Yan C Rico ni Alan Sepe ug team owner Atty. Rico Amores, NMC VKK Scuba Divers ni Martinito Villamor ug ang Smart Titans ni Dr. Ouano ug team owner Dr. Ceniza.
Ang LLBA Friendship Cup 2009 nga mosubay og single round robin format gipaluyohan sa Overseas Courier Service Inc. (OCS), Tambuli Beach Resort, King Celes sa Boylen Marketing, COMFA General Merchandise, PEBA, 13R Motor Parts, Gin Pharmacy, Atty. Rico Amores, Purcia Transport, Junjun Eroles sa Cebu Nisico Corp., TJ Sports ug Westland Funeral Homes.
Gipasiugdahan sa LLBA ubos sa ilang presidente Alan Sepe, ang liga gisuportahan sab ni Hon. Mayor Arturo Radaza.
Ang LLBA Friendship Cup 2009 gidumala ni LLBA organizer Billy Nadado ug LLBA commissioner Alan Yu. – BANAT NEWS