San Jose naghari sa Sambag I cagefest

CEBU, Philippines – Mipakita og milagro ang Sitio San Jose sa second half aron sa pagpaluhod sa Lower Kawayan, 79-73 ug ingon pag-angkon sa korona sa juniors division sa Sambag I Summer Basketball League 2009 didto sa Sambag I Sports Complex.

Ang San Jose nabitin og dos puntos sa halftime, 35-37, apan ilang gibanatan ang Lower Kawayan sa sunod nga duha ka kuwarter aron ilogon ang labaw, 44-36 hangtod na sa paglansang og daog.

Gipaluyohan sa Sambag I barangay council ubos sa liderato ni Brgy. Capt. Jerry L. Guardo, ang tinuig nga liga nahimo uban sa pakigtambayayong sa Uniherb Philippines, usa sa nag-unang health companies sa nasud nga tiggama sa nabantog nga food supplements sama sa Arthro, Heartvit, Diabet, Kidneycare, Eyeberry, Athan, Slima ug Hardman.

Puntos Matag Usa

San Jose (79) - Lunday 30, Lapiña 17, Asis 15, Sumampong 8, Rojas 7, Quijano 2

Lower Kawayan (73) - Villanueva 25, Labay 23, C. Rigodon 6, Rio 6, Kasayan 4, J. Rigodon 4, Nardo 3, Faciol 2 – BANAT NEWS