Mandaue Jaycees Teams A, B midaog

CEBU, Philippines – Parehong midaog ang Mandaue Jaycees-Team A ug Team B sa nagpadayong 14th Jaycees Basketball Association (JBA) 2009 basketball tournament didto sa City Sports Club-Cebu sa Cebu Business Park.

Ang Mandaue Jaycees Team-A midaog batok sa Mack Mayer Printers ni Carlos Porras sa iskor nga 85-71, samtang ang Mandaue Jaycees Team-B mimakmak sa Zone 360 sa iskor nga 94-64.

Sa kasamtangan, ang managsuong koponan nahimutang sa ikaduhang dapit sa liderato

nga parehong nagbitbit og 2-1 win-loss records sunod sa nag-

unang Uptown Jaycees, kinsa nagtangag og 3-0 nga

baraha.

Ang kanhi point guard sa UC Mariners (karon Webmasters) nga si Rhett Latonio ug si Joshua Lerio maoy unang mipasiugda og rally ug giusban nila ni ex-USC Warrior forward Nestor Patindol ug Edgar Colina aron pagselyado sa kadaugan.

Sila si Patindol ug Colina parehong mi-iskor og 20 puntos aron pangulohan ang opensa sa Mandaue-A, samtang sila si Latonio ug Lerio parehong mi-iskor og 14 puntos.

Si Voltaire Rosal maoy nangu sa Printers sa iyang 18 puntos ug si

Klein Baladya midugang og 17

puntos.

Sa laing bahin, si Alelu Flores mi-iskor sab og 20 puntos aron pagtimon sa Mandaue-B nga gipaluyohan sa Jonel’s Trucking ni Joey Cal. Laing ex-USC Warrior nga si Archie Coros ug si Arme Marata miamot og 14 puntos matag usa, samtang si Cal mi-iskor og 10 puntos.

Ang way daog nga Zone 360 gipangulohan ni Junie Alejandrino, kinsa mihipos og 16 puntos.

Puntos Matag Usa

Unang duwa:

Mandaue-A (85) - Colina 20, Patindol 20, R. Latonio 14, Lerio 14, Gamallo 5, Ylaya 4, Magallano 3, E. Latonio 3, Ong 2, Toledo 1

Mack Mayer (71) - Rosal 18, K. Baladya 17, J. Sulay 12, Laguna 10, Barreto 9, Dela Calzada 5, Porras 2, K. Sulay 2, Nieves 2

Ikaduhang duwa:

Mandaue-B (94) - Flores 20, Marata 14, Coros 14, Acebron 12, Cal 10, Toledo 10, Garcia 8, Salimbagat 4, B. Garcia 2

Zone 360 (64) - Alejandrino 16, Lasala 11, Alcover 10, Go 6, Boniel 6, Loma 5, Trespicio 4, Dela Peña 4, De Jesus 2 – BANAT NEWS