Chinito milangkat sa midget division title

CEBU, Philippines - Naka-eskapo ang Chinito bitbit ang 88-75 nga kadaugan batok sa Charlene aron pag-angkon sa midget division title sa Barangay Sambag I Summer League didto sa sports complex sa maong barangay.

Sikit kaayo ang kumbati sa duha ka koponan ug ilang gitapos ang first half, 42-40 pabor sa Chinito.

Nahimong kulbahinam ang duwa dihang nagtabla ang iskor, 77-all sa nahabiling 5:34 sa final quarter.

Sukad niadto nagsinukliay og mga puntos ang duha ka kampo hangtod nga naangkon sa Chinito ang kadaugan pinaagi sa free throws ni JR Abadilla.

May purohan untang mahatod sa Charlene ang duwa ngadto sa overtime, apan mikagar ang triple ni Rico Yan sa nahabiling singko segundos sa duwa.

Si Patrick Huward maoy topscorer sa Chinito nga miburak og 24 puntos ug milangkat og walo ka rebounds, gisundan sa managsuong Anthony ug Anton Fernandez nga mitampo og 19 puntos matag usa.

Ang pilderong Charlene gipangulohan ni Hans Timoy, kinsa mibahog og 26 puntos. Si Bebe Arum miamot og 22 puntos, samtang si Yan mitunol og 16 puntos.

Puntos Matag Usa

Chinito (88) - P. Huward 24, A. Fernandez 19, A. Fernandez 19, J. Abadilla 16, C. Rigodon 7

Charlene (85) - H. Timoy 26, B. Amu 22, R.Yan 16, C. Paclay 8, G. Aljo 1. - Lemuel P. Maglinte (BANAT NEWS)