CEBU, Philippines – Mosikad na karon ang fifth leg sa Atan Guardo Motocross Series diha sa OPRRA plaza, ning siyudad.
Ang usa ka adlaw nga kompetisyon bukas sa bag-o ug beteranong mga riders.
Mga kategoriya nga tigian naglakip sa expert open, novice 110, novice 125 ug beginners.
Ganting salapi ug tropeyo ang maangkon sa mga top performers ning maong lumba nga gipaluyohan ni businessman ug sportsman Jonathan 'Atan' Guardo, uban sa pakigtambayayong sa Power Sports Racing (PSR) Promotions ug Uniherb Philippines, usa sa nag-unang health companies sa nasud nga tiggama sa nabantog nga food supplements sama sa Arthro, Heartvit, Kidneycare, Diabet, Eyeberry, Athan, Slima ug Hardman. – BANAT NEWS