Friendship Cup mosikad karon

CEBU, Philippines – Iladlad na sa UAAP champion Ateneo de Manila University (ADMU) Blue Eagles ang ilang abilidad sa dihang ilang batukan ang usa sa labing lig-on nga commercial team Cebu Landmasters karong adlawa sa pagbukas sa lima ka adlaw nga CESAFI-Partners Friendship Cup diha sa Cebu Coliseum.

Mga Duwa Karon (Cebu Coliseum)

4:00 pm -- CESAFI Selection vs. Pampanga-Smart Buddies

5:45 pm -- Ateneo vs. Cebu Landmasters

Sa preliminary, ang host CESAFI Selection nga gipangulohan ni 6-foot-9 Jun Mar Fajardo, modepensa sa ilang nataran batok sa bisitang Pampanga-Smart Buddies ni coach Alric del Rosario.

Ang Blue Eagles ni coach Norman Black nga miabot kagahapon pangulohan ni UAAP MVP Rabai al-Hussaini.

Ang Landmasters ni team owner Joe Soberano ug coach Jun Tan langkuban ni ex-pro Stephen Padilla uban ni 6-foot-9 Rino Berami, Alex Cainglet, Bernie Ursal, Mark Ababon, Jayford Rodriguez, Ariel Mepaña, Mark Abadia, Franklin Nailon, Luther Luke Justiniani, Marvin Mercado ug Wagas.
Sa laing bahin ang CESAFI Selection nga gipalig-onan sa mga players kinsa miangkon sa ikaduhang puwesto didto sa Hong Kong Invitational game sa miaging tuig, langkuban nila ni Fajardo, Edward Pao, Kevin Quilantang, Janssen Abella ug Moncrief Rogado sa University of Cebu (UC) Webmasters, Aard Diango, Rene Pacquiao, Ritchie Jalandoni ug Eleazar Armecin sa Southwestern University (SWU) Cobras ug Kurt Amores, Edmar Pateño, Edwin Bibera, Joseph Villaver ug Marvin Duran sa University of San Jose-Recoletos (USJ-R) Jaguars.
Sila si Fajardo, Rogado ug Diango maoy kabahin sa second placer didto sa Hong Kong uban sa mga magduduwa sa University of the Visayas (UV) Green Lancers ni coach Elmer 'Boy' Cabahug ug assistant coach Edito Salacut.
Motimon sa CESAFI Selection mao ang SWU head coach Dodie Miego uban ni Bong Begontes isip iyang assistant. – BANAT NEWS