CEBU, Philippines – Gilumsan sa Sitio Riverside ang higpit nga karibal San Roque, 97-67 aron paglangkat sa midget division title sa Poblacion Oriental Summer Basketball League didto sa Consolacion.
Sa laing bahin, ang Tugbungan mibuntog sa All Friends sa ilang engkuwentro sa open division.
Ang Tugbungan alkanse og uno punto, 65-66 human sa unang tulo ka kuwarter, apan tungod sa ilang kakugi nahilis ang labaw ug naangkon ang makutas nga kadaugan.
Si Wingwong Dumaguit maoy topscorer sa Tugbungan nga miratsada og 21 puntos, gisundan ni Jake Dumaguit nga adunay 19 puntos.
Ang managsuong Londe ug Larry Malagar nagkumboya og 33 puntos aron pangulohan ang All Friends.
Gipasiugdahan ni Poblacion Oriental councilor Paul Alelu Q. Flores, ang liga nga gipadagan ni commissioner Norbert Cejas gipaluyohan sab sa Poblacion Oriental barangay council ubos sa liderato ni Brgy. Capt. Melquides Caylan.
Puntos Matag Usa
RIVERSIDE (97) - Manatad 30, Mindajao 15, Moraca 14, Soletario 9, Ormegos 6, Fernando 6, Cabo 6, Paloma 4, Monterola 2, Malagar 2, Perez 2
SAN ROQUE (67) - Rebutazu 25, Luga 18, Quiño 6, Englatera 4, Capangpangan 4, Abellanosa 4, Bongo 2, Garces 2 – BANAT NEWS