CEBU, Philippines – Sa katapusan, nakatilaw na gyud og daog ang Grandeur pinaagi sa paglubong sa Heartfelt, 86-64 sa F. Llamas Youth Association (FYA) 1st Vice Mayor Mike Rama Cup didto sa Vicente Sotto Memorial Gym sa barangay Punta Princesa, ning dakbayan.
Mao kadto ang unang daog sa Grandeur sud sa upat ka duwa.
Ang playmaker nga si Dondon Cadungog miburak og 30 puntos aron pangulohan ang Grandeur, samtang ang giatake nga Heartfelt gipangulohan sab ni Dodong Cabigas kinsa mi-iskor og 17 puntos.
Sa sayo pa, ang Orillaville miposte sa ilang ikatulong daog dihang ilang gipilde ang Criminal Intelligence and Investigation Bureau (CIIB) ni police Supt. George Ylanan, 108-105 sa overtime.
Si Junbel Llegunas maoy nangulo sa Orillaville pinaagi sa paghipos og 26 puntos, gisundan ni Ryan Villaver nga adunay 19 puntos.
Ang napukan nga CIIB gipangulohan ni Roy Veloso nga mipabuto og 32 puntos.
Puntos Matag Usa
Unang duwa:
Orillaville (108) - Llegunas 26, Villaver 19, Perez 12, Maucesa 11, Enriquez 8, Alceda 6, Antiporta 5, Cadungog 2, Trinidad 2, Brigola 2
CIIB (105) - Veloso 32,Maglinte 27, Pandong 20, Aldemita 12, Quita 10, Plasus 4
Ikaduhang duwa:
Grandeur (86) - Cadungog 30, Tabar 17, Lañohan 13, Dacayana 10, Sabalande 4, Gay 3, Pacaña 2, Tundag 2
Heartfelt (64) - Cabigas 17, Danding 12, Alob 10, Rama 9, Arreglo 5, Basubas 4, Tan 4, Lumapguid 2 – BANAT NEWS