Adlawan hari sa MS Motosuit Motocross Series

CEBU, Philippines - Gidominaran ni Jon-Jon Adlawan mao ang sixth leg sa MS Motosuit Motocross Series dihang iyang gibulsa ang duha ka titulo atol sa Cebu Landmasters Inc. Invitational Motocross niadtong Sabado didto sa Pinamungajan.

Si Adlawan mao ang nag-una sa pro open ug expert categories, gisundan siya ni Weng Yappacorn sa pro open, samtang nagsunod sila si Jubenile Abellar, Jovanni Abellar ug Paolo Inoc.

Nigawas nga kampiyon sa beginners open ug open enduro si Donkley Sanchez. Sila si Ryan Quirol ug Bonnie Bustillo mipahulina sa second ug third place, samtang si Bustillo ug Banjo Monillar mipahiluna usab sa second and third alang sa open enduro.

Si Bustillo kinsa maoy hari sa local enduro giubanan nila ni Sanchez, Dong-Dong Batikin, Joseph Panuldi, ug Alex Abalo.

Ang reigning “Rider of the Year” nga si Jubenille Abellar, Seigfred Ornopia sa Keiz BJ Racing Team, MS Motosuit image model nga si John Flores, Adonis Famador, ug Butch Flores mikatkat usab sa winning podium.

Si Abellar maoy nag-una sa intermediate class human niya naapsan si Wagas, samtang si Yapparcon nipahiluna sa third place.

Si John Flores maoy hari sa novice open production samtang sila si Ryan Quirol ug Ornopia nipwesto sa second ug third.

Si Ornopia maoy naghari sa executive A batok nila ni Aloy Igot ug Gener Sicad.

Si Famador nikampiyon sa executive B gisundan nila ni Gener Sicad ug Rossel Gungob.  - Lemuel P. Maglinte (BANAT NEWS)