CEBU, Philippines - Mikulit na sab og laing daog ang Conor Express Freight Forwarder ni team owner Olive Paraguas ug Elmer Hamis pinaagi sa paglubong sa Motofix, 94-61 sa juniors division sa Mambaling Basketball Association (MBA) niadtong Miyerkules didto sa Ma. Gochan Sports Complex sa barangay Mambaling, ning siyudad.
Ang power forward nga si Carl Jacaba sayo kaayong nanginit og mi-iskor og 18 sa first quarter alang sa kinatibuk-ang 23 puntos aron pangulohan ang Conor aron pagposte og 29-11 nga abante. Ang Conor ni coach Dodoy Cuarto miinat sa ilang labaw ngadto na sa 30 puntos, 51-21 sa halftime.
Sila si Van-van Las Piñas ug Jay-P. Salem miabag sab sa opensa ug nagkumboya og 35 alang sa Conor.
Si Giovanni Abellar, kinsa miposte og 14 puntos mao sab ang nangulo sa Motofix.
Sila si Dong Saavedra ug Ludwig Abellar nagkumboya og 23 puntos alang sa Motofix nga gipaluyohan sa St. Bernard.
PUNTOS MATAG USA
Conor (94) - Jacaba 23, Las Piñas 20, Salem 15, Gascon 10, Cubil 6, Temperatura 6, Villarojo 4, Alarcon 3, Suerte 3, Lasam 2, Romeo 2
Motofix (61) - G. Abellar 14, Saavedra 12, L. Abellar 11, J. Abellar 8, Vergara 6, Albao 5, Rusiana 4, D. Abellar 2 (BANAT NEWS)