Poblacion Oriental summer sportsfest gikatakda
CEBU, Philippines - Ang Barangay Poblacion Oriental mopasiugda og summer basketball tournament nga sugdan karong Domingo diha sa Sitio Riverside open court sa Poblacion Oriental, Consolacion.
Ang maong kalihukan nga kabahin sa sports development program ni Consolacion Vice Mayor Ember V. Alinsug gibahin sa upat ka kategoriya -- Inter-sitio, 16-Under, 23-Under ug Open.
Mga partisipanteng koponan sa inter-sitio division mao ang Riverside, Quiapo Compound, Kawayanan, Centro, Eryangs ug Crossing.
Mga ganting salapi ug tropeyo ang nagpaabot alang sa palarang mga mananaog sa maong torneyo nga gipaluyohan ni Poblacion Oriental Brgy. Captain Melquadis Caylan ug kaubanan sa konseho.
Matud pa ni tournament chairman ug Poblacion Oriental councilor Paul Alelu Q. Flores nga ang format sa kompetisyon mag-agad sa gidaghanon sa mga entrante.
“This is our own way of harnessing the skills of aspiring hoopsters in our barangay as well as scouting for potential talents. Also, we want to set an example to other barangays as far as sports development is concerned,” matud pa ni Flores, kinsa niduwa kaniadto sa FEU Tamaraws sa UAAP.
Gisugdan na ang registration. Alang sa dugang mga kasayoran, mahimong mokontak ni Flores o di ba ni Charlie Mindajao t 0923-5460241. – BANAT NEWS
- Latest
- Trending
