CSD Builders abante sa finals

CEBU, Philippines - Adunay ipahigayon nga Siete Palabras 2009 3-Cock Derby karong Abril 7 diha sa Mahayahay Cockpit sa Carlos, ning siyudad.

Sugdan ang derby sa ala-una sa hapon. Ang maong derby nga adunay kapin o kulang P150,00 bonus prize gipasiugdahan ni barangay captain Armando 'Mady' Juezan ug Arturo ''King Arthur' Caya sa abag nilang King James (James Ang) ug Chazel Mae Tata Negro.

Ang pot money P3,300, ang minimum bet P2,500 ug ang maximum bet P5,500. Ang accepted weight gikan sa 1.8 ngadto sa 2.4 kgs.

Alang sa dugang mga kasayoran kontaka lang si brgy. captain Juezan sa telepono 418-8420. (Yoyo R. Abayan)RP Team nga si Wilbert Sayson miposa og crucial three-pointer nga nakamugna og rally sa daginutong oras aron baswaton ang CSD Builders ngadto sa 88-83 nga kadaugan batok sa Ave Maria-USJ-R Jaguars Team-B ug ingon pag-abante sa finals sa Buanoy (Balamban) Invitational Open basketball tournament niadtong Biyernes sa gabii.

Ang Builders ni coach Boboy Cal ug ang Jaguars nagsige lang og sikit sa tulo ka kuwarter ug puli-puli'g ilog sa labaw hangtod na sa katapusang tres minutos sa duwa.

Apan kalit lang nakapasulod si Sayson og three-pointer nga maoy nakapalabaw og balik sa Builders ug gikan niadto sila na kanunay'ng naglabaw hangtod nakab-ot ang kadaugan. 

Si Jared Kane Abatayo miburak og 21 puntos aron pangulohan ang Builders. Sila si

Aldrin Ocañada ug Jerry Jaca pareho sab nga mi-iskor og double figures alang sa Builders. Si Ocañada miposte og 17 puntos, samtang si Jaca miamot og 15 puntos.

Si Kurt Amores mao sab ang nangulo sa giihaw nga Jaguars pinaagi sa iyang 20 puntos, gisundan ni Jose Ricardo Llera sa iyang 13 puntos ug Edwin Bibera nga adunay 11 puntos.

Ang Builders nagpaabot na lang karon sa modaog tali sa   Ave Maria-USJR Team-A ug sa Mandaue Cyclone alang sa finals.

Ang best-of-three finals duwaon karong Abril 13-15.
Sa laing bahin, si team consultant Romy Cal nagkanayon nga ang Builders mosalmot   sa umaabot nga Rudy Espinosa Cup didto sa Toledo City sa Abril 15 ug sa Mayor Edsel Galeos Cup sa Argao karong Abril 18.

CSD Builders (88) - Abatayo 21, Ocañada 17, Jaca 15, Sayson 9, Nailon 7, Redulosa 4, Sereño 4, Montalbo 3, Arnado 3, Mangyao 2, Maspiñas 2, Delos Santos 2

Ave Maria-USJR (83) - Amores 20, Llera 13, Bibera 11, Duran 8, Pateño 8, Dela Peña 7, Suliman 6, Villaver 5, Alquizola 3, Senining 2. – BANAT NEWS