Fabio Salsa gi-atake sa Heartvit

CEBU, Philippines - Daling nakahaling sa ilang kainit ang Heartvit '93 aron pagposte og daog pinaagi sa paglubong sa Fabio Salsa sa iskor nga 98-68 sa nagpadayong University of San Carlos Boys High Alumni Basketball Association (USCBHABA) Atan Guardo Barkadahan Cup diha sa USC-North Campus gym.

Si Heartvit team manager barangay Tisa no.1 councilor Jeson L. Guardo mibuga og 14 points aron pangulohan ang ilang pagpangatake sa unang hugna aron pagposte og 32-18 nga bentaha.

Milusad ang Heartvit og laing makalilisang nga atake sa ikaduhang hugna nga nakapainat og maayo sa ilang labaw ngadto na sa 25-puntos sa iskor nga 56-31 paghuman sa unang-duha ka kuwarter.

Si Roy Jumao-as maoy topscorer sa Heartvit sa iyang 29 puntos, samtang si kanhi USC Warrior Leon Floro 'Bong' Eleazar miamot og 14 points.

PUNTOS MATAG USA

Heartvit (98) - Jumao-as 29, Eleazar 14, Banaag 11, Kiamco 11, Soon 9, Nunez 7, Cabrera 7, Cobarde 5, Colinares 3, Vargas 2

Fabio Salsa (68) - Perales 23, Inocencio 14, Pagador 13, Alo 9, Campos 3, Del Rosario 2, Alcover 2    (Lemuel P. Maglinte)