CEBU, Philippines - Mohunong una sa ilang pagpasiugda og inter-barangay contests ang mga sakop sa Dancesport-Team Cebu City kay morampa sila sa 2009 DSCPI First Quarterly Rankings ug Competition karong adlawa didto sa Philsports Arena sa Pasig City.
Ang DTCC mopadala og 34 ka paresan, kinsa mosadsad sa nagkalain-laing kategoriya aron mahatagan og maayong sinugdanan ning tulo ka bahin nga national action.
Ang line-up sa DTCC gilangkuban sa mga beterano ug sa umaabot nga mga atleta.
Kadaghanan sa mga sakop sa US-bound DTCC nga mopakita sab og aksiyon naglakip ni Cebu City Sports Commission (CCSC) dancesport directress Eleanor Hayco ug iyang pares nga si Lloyd Bartolini, Victoria Alix, Renante Saldua, Anselmo Estellore, Inoie Roi Rendon, Christy Kim Velez, Hanna Jane Deluvio ug ang managtiayong Joel ug Ana Madera. – BANAT NEWS