CESAFI Partner's Cup women's volleyball sa Peb. 21

Cebu - Ang inaugural edition sa CESAFI Partner's Cup volleyball tournament mosikad karong Pebrero 21 diha sa University of San Carlos-main gym.

Human sa usa ka bulan ug halapad nga preparasyon, ang organizers hingpit na nga mihatag og abiso aron sugdan ang nahisgutang torneyo.

Gawas sa volleyball ang CESAFI mo-implementar sab og football tournament.

Mirason si Tiukinhoy nga sa pagka karon, bugtong ang babaye lang ang ilang gihatagan og pagtagad tungod sa ka limitado sa badyet, apan mipasalig kini nga iyang ilakip ang men's action sa sunod tuig.

Ang mga CESAFI member schools uban sa ilang tagsa-tagsa ka corporate backers nga mopakita'g aksiyon mao ang CDO Idol Cheese Hotdogs/USPF, Ave Maria Sanctuary Park/USJ-R, Hotel Fortuna/SWU, Enervon-C/UC, Aerosol Lion Tigers/USC ug Prime Asia Pawn and Jewelery Shop/UV.

Moapil sab sa kompetisyon ang Cebu Doctor's University (CDU). – BANAT NEWS