VAAA ug CBA

Cebu - Samtang nagkober ako sa duwa sa bag-ohay lang gisugdan nga CESAFI Partner's Cup niadtong Sabado ug Domingo diha sa Cebu Coliseum, pipila nako ka higala nga mahiligon sa duwang basketbol--- mga kanhi coaches ug mga referees nangutana kanako kun kumusta na kuno ang VAAA o Visayas Amateur Athletic Association.

Tungod kay dili man akong beat ang VAAA, naglisod ako sa pagtubag apan ang akong nahinumduman nga didto kini magbukas sa ilang 2009 season didto sa lungsod sa Calape, Bohol.

Gusto man nakong sumpayan apan di ko gustong masayop busa igo lang akong misumpay nga basin Vacant And Always Adjustable. Nakakita nuon akon'g bag-ong hubad sa VAAA.    

Aron unta matagbaw ang akong mga higala sa kasamtangang kalihukan sa VAAA, akong gi-textsan si coach Tata Merced sa Asian College of Technology ug si Jojo Romarate sa Salazar College-Science and Institute of Technology apan ning pagsuwat wala pa sila motubag ngari kanako.

Sa akong paminaw ug mahimong masayop ako, giundang lang una ang mga duwa sa VAAA dinhi sa Sugbu kay kinsa may gustong motan-aw sa ACT ug SC-SIT nga magsige lang og duwa. Wala pa ra ba ako makadungog og torneyo nga best-of-100 ug labaw nang wala'y interesado nga motan-aw sa mga duwa sa teams gikan sa Bohol, Negros ug Leyte kay kanunay man sab silang kulatahan. Ang ilang ibayad sa coliseum, ila na lang itilap-tilap og lollipop dugay pang mahurot unya lingaw pa kay sa duwa nga makaduka.

 Mahimuot sab ko niining ACT ug SC-SIT. Ang nahauna, gusto gyung mosulod sa CESAFI ug ang nauwahi, boluntaryong miundang sa CAAA ug karon, maputi pa ang uwak ug maliso pay buko sa kawayan, dili na gyud sila makasulod sa CESAFI kay mao man kana ang kanhi CAAA.

* * *

Niadtong Disyembre sa miaging tuig, nagsuwat ko'g lindog kalabot sa usa ka liga nga mosulbong karong tuig 2009 nga mao ang Cebu Basketball Association (CBA) nga kuno maoy bugtong commmercial nga torneyo sa Sugbu hulip sa nabungkag nga Cebu Basketball League (CBL) tungod sab sa pagbalitok sa MLKP-Cebu Niños ngadto sa Liga Pilipinas, ang rebulosyon sa basketball. Atong makita sa ilang logo nga si Andres Bonifacio usa diay ka kanhi player sa wala pa mosulod sa Katipunan. Imbes sundang ang iyang giwara-wara, bola na sa basketball ang iyang gibitbit ug karon nahimo na ang The Cry of Balintawak ngadto sa "The Mascot of Bola-tawak."

Tungod lagi kay ganahan man ako magsumpay-sumpay o di ba magrambol-rambol og mga pulong, ako na sab nganlan kining CBA ngadto sa "CBL Born Anew."

Ug siyempre, aduna sab ako'y kaugalingong hubad sa CESAFI Inc. ug kini mao ang "Cebu Serving All Filipinos, In the name of Christ."

Dili kini panghambug apan just for the sake of informing the friends of SPORTSgab nga ang tanang mga word games sa computer ako nang giduwaan sama pananglit sa Bookworm diin miabot na ako og Level 62, Hangaroo nga usahay masulbad nako ang napulo ka tubag sa dili pa moabot ang 30 minutos, Hangman nga medyo lisud-lisod og gamay ug ang labing popular nga scrabble nga manikas ang computer kay ang ato rang words maoy makita apan ang ilang gipangpili dili nato makita busa dili kita kabantay unsa nga pulong ang ilang pormahon. Maayo unta og adunay dili motuo aron makigsangka sab nako aron mabaid og samot ang akong kamaohan.

* * *

SG Miscellaneous. My American friend Bruce Cunningham from Fort Wayne, Indiana is returning to Cebu soon to pursue his dream of having the Camotes High School Basketball Association (CHSBA) becomes a reality. The state of Indiana owned the Miss America Katie Stamm. NBA star Reggie Miller also played for the Indiana Pacers until his retirement few years back. -  BANAT NEWS