Cebu Progress wa'y pilde sa sinulog Chess

Cebu - Ang Cebu Progress Marketing mao ang bugtong koponan nga nagpabiling wala’y pilde sa sulod sa lima ka hugna nga aksiyon sa 2009 Cebu Sinulog Open Chess Team Tournament kagahapon didto sa SM City-Cebu.

Si Richard Natividad mao ang nitimon sa Cebu Progress Marketing dihang nikulit kini sa ikaupat nga sunod-sunod nga kadaugan niini.

Ang banggiitang players sa University of San Jose-Recoletos (USJR) Team A nisuway pa og buntog sa CPM, apan igo lang silang nakatabla sa round five batok sa koponan nila ni Natividad.

Sa laing duwa, ang Sikad Talisay niluhod sa USJ-R nga gipangulohan ni NM Rogelio Enriquez kinsa nakigtabla usab sa University of Cebu (UC) ni team captain IM Kim Steven Yap. - Lemuel P. Maglinte (BANAT NEWS)