Motocross Challenges sa Consolacion
CEBU - Ang 2008 MS Motosuit Motocross Series modalit na sab og laing aksiyon pinaagi sa pagpahigayon og sunod-sunod nga legs ning bulana sa managlahing mga binyu.
Unang leg mao ang Mayor Avelino Gungob Motocross Challenge karong Oktobre 25 diha sa Consolacion.
Sa petsa 26, mao ang 13th leg ning tinuig nga series nga gipasiugdahan ni Lou Ornopia sa Cadauan, Tabogon sa amihanang bahin sa Sugbu.
Ang karera gihimo sa duha ka sunod-sunod nga adlaw aron pag-maximize sa presensiya ni MS Motosuit endorser Glenn Aguilar, ang 11-time national champion ug one-time Asia Pacific title-holder.
Si Aguilar mokumbati pag-usab sa special pro race ug sa expert class.
Ang sagidas nga aksiyon gipresentar sa Imarflex Evvo Motorcycle Battery uban sa suporta sa LGU sa Consolacion nga gipangulohan ni Mayor Avelino Gungob, Keiz BJ Motorsales, Cebu Progress Marketing, Reliance Motor Sales, MS Digital Prints ug MS Unlimited.
Mao kini ang unang higayon sud sa tulo ka tuig nga ang MS Motosuit series miabot og 13 ka legs.
Gumikan niini, ang mga riders nga nabiyaan og puntos sa overall championships sa ilang tagsa-tagsa ka dibisyon may purohan pa nga makaapas sa mga frontrunners. – BANAT NEWS
- Latest
- Trending
