Torres naghari sa Talisay chess monthly tourney

CEBU - Si James Torres maoy naghari sa 68 ka chess players sa gipahigayon nga Talisay City Chess Monthly Tournament niadtong miaging adlaw didto sa Talisay South Central Square sa Lawaan II, Talisay City.

Ang 17-anyos Torres, tinun-an sa University of San Jose-Recoletos (USJ-R) mirehistro og sayes puntos aron dominaron ang maong tournament.

Nahimong 1st runner-up ni Torres mao si Joselito Loquez sa San Fernando, 2nd runner-up mao si Albert Acabo sa   Talisay City ug ang nahimong 3rd runner-up mao si Jomar Gallardo.

Sa laing bahin, ang 12-anyos nga si Deniel Corpus mikulit og 4.5 puntos aron masakmit ang kampiyonato sa Kiddies division. Gisundan ni John Francis Balbona, Sherwin Amad ug Jeremy Pepito nga mipahiluna sa ikaduha, ikatulo ug ika-upat nga dapit.

Ang maong torneyo gipasiugdahan sa Talisay City Chess Club uban sa suporta nila ni Atty. Richard Abangan, Engr. Bombi Aznar, Pepsi Cola, National Master ug Rural Bank. – BANAT NEWS