Morales di kaaway sa Talisay

CEBU - Dili mahinayon ang umaabot nga title defense ni World Boxing Federation (WBO) Oriental bantamweight champion nga si Ciso 'Kid Terrible' Morales batok sa Thai challenger Thongthai Rajanondh nga gikatakda unta karong Oktubre 3 diha sa Talisay City Sports Complex.

Kini human na-injured ang tuong kamot ni Morales atol sa practice session.

Tungod niini, naaghat si undefeated champion nga mo-atras sa maong away. Si Morales, kinsa nasagmuyo sa   iyang nahiaguman mipasalig sa mga Talisaynon nga mobalik siya aron mopakita sa iyang abilidad .

 Apan bisan pa og misibog si Morales padayon gihapon ang maong boxing event nga giatngan sa mga molupyo sa Talisay.

Mohulip ni Morales mao ang laing undefeated Pinoy boxer nga si Anthony Marcial. (BANAT NEWS)